మన ఆరోగ్యం మన చేతుల్లో ?ముద్రల వలన ఉపయోగాలు

ముద్రలు 

విశ్వమంతా అగ్ని, గాలి, ఆకాశం, భూమి మరియు నీరు అనే 5 అంశాలు కలిగి ఉంటుంది. మానవ శరీరం కూడా ఈ 5 అంశాల కలయిక గా తయారు అయినట్లుగానే చెబుతుంటారు, మన చేతి వేళ్ళ ఈ 5 అంశాలకు ప్రాతినిధ్యం వహిస్తుంటాయి అంటా .ఏ వ్రేలు దేనికి ప్రాతినిధ్యం వహిస్తున్నాయో తెలుసుకుందాం. 

1.బ్రొటన వ్రేలు -- అగ్ని ని సూచిస్తుంది.
2.చూపుడు వ్రేలు -- గాలి(వాయువు) ని సూచిస్తుంది.

3.మధ్య వ్రేలు -- ఆకాశం(శూన్యం) ని సూచిస్తుంది.
4.ఉంగరం వేలు --భూమి(పృద్వీ) ని సూచిస్తుంది.

5.చిటికెన వేలు -- నీటి(జలం) ని సూచిస్తుంది. 

ఈ 5 అంశాలు మన శరీరం లో సమపాళ్ళలో ఉంటే మనం ఆరోగ్యంగా ఉంటాం అని చెబుతున్నారు. ఈ 5 అంశాలో ఏ ఒక్కట్టి ఉండవలిసిన పాళ్ళలో లేకుంటే మనం శరీరం క్రమంగా వ్యాధులకు దారితీస్తుంది.



మన ఆరోగ్యం మన చేతుల్లో ?
ఈ 5 అంశాలలో ఏ లోపాలున్నా ఒక నిర్దిష్ట పద్ధతిలో మన చేతి వ్రేళ్ళను ఒకదానితో మరొకదానితో కనెక్ట్ చేయటం ద్వారా మనం ఆ అంశం బాలెన్సు చేసుకొన్ని తిరిగి ఆరోగ్యవంతులం కావచ్చును.మన చేతి వ్రేలతో చేసే ఈ ప్రక్రియను ముద్రలు అంటారు.


ఇప్పుడు కొన్ని ముద్రలు ఎలా చేయాలి వాటి వాళ్ళ ఉపయోగాలు చూద్దాం .



ముద్రల వలన ఉపయోగాలు:




                                               1.  ప్రాణముద్ర

1.ప్రాణముద్ర:

విధానం: ఉంగరపు వేలూ,చిటికెన వేలూ... రెండూ బొటనవేలు చివరను తాకుతూ ఉండగా మిగతా రెండు వేళ్ళు నిటారుగా ఉండాలి.

ప్రయోజనం :ఈ ముద్ర ప్రాణశక్తికి కేంద్రము. దీని వలన కంటిచూపు మెరుగు అవుతుంది.శరీరానికి కావలిసిన శక్తి కోసం ఈ ముద్ర అత్యంత లాభదాయకము.నిరోధకశక్తి అధికం అవుతుంది.

                                                                   2. వాయు ముద్ర


2.వాయు ముద్ర :

విధానం: చూపుడు వ్రేలు కొనను మడచి దాన్ని బొటన వ్రేలు మొదట్లో ఉంచాలి.

ప్రయోజనం :మూత్ర సంబంధిత సమస్యల నుండి ఉపశమనం పొందవచ్చు .





                                                              3. శూన్య ముద్ర

3.శూన్య ముద్ర:

విధానం:మధ్య వ్రేలును మడిచి పెట్టి ,దాని చివరను బొటనవ్రేలు మొదట్లో ఆనించాలి .

ప్రయోజనం :చెవి నొప్పి ,నత్తి తదితర సమస్యలున్న వారికి మంచి ఫలితాలోస్తాయి.




                                                              4. శుభరాత్రి ముద్ర

4.శుభరాత్రి ముద్ర :

విధానం:కుడి ,ఎడమ చేతుల వ్రేళ్ళను ఒకదానిలో ఒకటి జొప్పించి ,మడిచి బిగించాలి .

ప్రయోజనం :   నిద్రలేమి నుంచి విముక్తి .




                                                                    5. ఆది ముద్ర


5.ఆది ముద్ర:

విధానం:బొటన వ్రేలు ను మడిచి ,మిగతా నాలుగు వ్రేల్లును బొటన వ్రేలు మీద ఉంచాలి.

ప్రయోజనం :జ్ఞానేద్రియలకు ప్రాణ శక్తి ని ప్రసాదిస్తుంది. .రక్తపోటు తక్కువ ఉన్నవారు ఈ ముద్ర జోలికి వెళ్లకపోవటం మంచిది .




                                                   6.అగ్ని ముద్ర /సూర్యముద్ర


6.అగ్ని ముద్ర /సూర్యముద్ర :

విధానం: ఉంగరపు వ్రేలును మడిచి పెట్టి ,దాని కొనను బొటన వ్రేలు మొదట్లో ఆనించాలి .
ప్రయోజనం :చలి ప్రదేశాల్లో ఉన్నప్పుడు శరీరం లో వెచ్చదనం వ్యాపిస్తుంది. రక్తపోటు సమస్యలున్న వారికీ ఉపయుక్తం .

ముద్రలు ఎప్పుడు ఎక్కడ చేయవచ్చు ?

ఈ ముద్రల ద్వార మన ఆరోగ్యం మన చేతులో అనేది నిజమే అనిపిస్తుంది. కేవలం మన చేతి వేళ్ళు ఉపయోగించి ఈ ముద్రలను చాలా సులభంగా చేయవచ్చును.ముద్రలను రెండు చేతులతో చేయవలెను. ఎ పరిస్థితిలో ఉన్న వీనిని ఎప్పుడైన చేయవచ్చును.ఈ ముద్రలని మీరు ఏ సమయంలో అయీనా ,ఎక్కడ అయీనా చేయవచ్చును---ఉదాహరణకి   బస్స్ లో,ట్రైన్లో,ఆఫీసులో ,ఇంటిలో,టీవీ చూసేటపుడు ఎపుడు అయీనా చేయవచ్చు.

మన ఆరోగ్యం కొరకు నమ్మకం ఉంచి ట్రై చేయండి పోయేది ఏమి లేదు.

మరికొన్ని ముద్రలు గురించి మనం తరువాత పోస్ట్ లో తెలుసుకుందాం .


మీకు తెలిసిన ముద్రలను కామెంట్ రూపం లో తెలియచేయండి .